Siglir tar il cuntegn

Header

video
Ord Tagesschau: Temp difficil per la Credit Suisse
Or da Tagesschau dals 29.03.2021.
laschar ir. Durada: 47 Secundas.
cuntegn

Pervi da hegdefonds Aczia da Credit Suisse perda massivamain valur

Perquai che la Credit Suisse fa probabel grondas perditas pervi d'in hedgefonds american, ha er l'aczia da la CS pers il glindesdi massivamain a la bursa – il minus ha muntà fin a 15%.

Il glindesdi a bun'ura ha la banca Credit-Suisse avertì ch'ella vegnia probablamain a far durant l'emprim quartal ina gronda perdita, perquai ch'ella sortia d'in hedgefonds american impurtant. La valur da las aczias da la banca gronda è en consequenza crudada il glindesdi avantmezdi per fin a 15%. I sa tracta da la pli gronda perdita aifer in di, dapi il crash da la bursa il 2020.

Tenor la Credit Suisse n'haja il hedgefonds cun il num «Archegos Capital» betg ademplì ses pajaments la fin da l'emna passada. Il hedgefonds aveva durant l'ultim temp investì en grond stil cun credits da banca en aczias. L'emna passada èn quellas lura vegnidas sut squitsch ed il hedgefonds n'ha betg pudì pajar enavos ses credits.

Pliras bancas pertutgadas

Quant grond che la perdita da la Credit Suisse vegn la finala ad esser, n'ha la banca anc betg pudì inditgar. Pertutgadas èn però er pliras autras bancas. Tenor rapports da medias tutga er la banca gronda UBS tar quellas. La UBS n'ha sin dumonda dal portal da novitads da finanzas AWP betg vulì s'exprimer en chaussa.

RTR novitads 17:00

Artitgels legids il pli savens