Siglir tar il cuntegn

Header

cuntegn

Decisiun da la Confederaziun Viafier retica survegn bun 1 milliarda francs

La Confederaziun metta a disposiziun en tut 16,4 milliardas francs per las viafiers en Svizra – bun ina milliarda da quels survegn la Viafier retica. Cun quests daners duai l'infrastructura vegnir sanada fin il 2028.

Bun ina milliarda francs survegn la Viafier retica. Quels daners duain vegnir duvrads per mantegnir u megliurar l'infrastructura da la viafier fin il 2028. Er ovras da protecziun cunter privels natirals vegnan sanadas – in'investiziun impurtanta per viafiers da muntogna.

Planisads èn era projects pli gronds: ils tunnels da las lingias d'Alvra e Bernina duain vegnir sanads – quels sajan en media gia passa 100 onns vegls. I saja pia neras uras per sanaziuns pli cumplessivas. Il tunnel d'Alvras vegn remplazzà cumplettamain: uschespert ch'il nov tunnel è pinà duai l'existent tunnel d'Alvra alura mo pli vegnir duvrà sco tunnel da segirezza.

audio
Cussegl federal investa 1 milliarda en la Viafier retica
ord Actualitad dals 15.05.2024. Maletg: RTR
laschar ir. Durada: 2 minutas 43 Secundas.

En tut 16,4 milliardas per las viafiers svizras

Questa contribuziun è planisada en il rom d'expensas per ils onns 2025 fin 2028. La finamira saja era qua da sanar e modernisar l'infrastructura da la viafier en Svizra cun quests daners. Quai ha il Cussegl federal communitgà.

A las viafiers svizras stattan pia a disposiziun da nov 2 milliardas francs dapli per sanar l'infrastrucura che durant la perioda actuala. En ses messadi scriva la regenza svizra che l'infrastructura actuala saja en in stan sufficient fin bun.

Bundesrat will 16.4 Milliarden Franken für die Bahn-Infrastruktur
Legenda: Cun las 16,4 milliardas francs duai tranter auter era l'accessibilitad per persunas cun impediments vegnir megliurada. Era la punctalitad dals trens duai daventar pli stabila grazia a la sanaziun da las infrastructuras. Keystone

RTR novitads 14:00

Artitgels legids il pli savens