Siglir tar il cuntegn

Header

cuntegn

Decisiuns dal Cussegl federal I dat in «certificat svizzer» che vala tranter auter pli ditg

Il certificat svizzer vala in onn per persunas guaridas ed ins survegn el era via in test d'anticorpuls. È il certificat vegnì emess suenter in test d'anticorpuls, vala el 90 dis. Uschia vul il Cussegl federal simplifitgar la via tar in certificat da Covid.

audio
Decisiuns dal Cussegl federal: «Certificats svizzers» – tge vala?
aus Actualitad vom 03.11.2021.
abspielen. Laufzeit 4 minutas 27 Sekunden.

Las decisiuns en survista:

  • il certificat svizzer per persunas guaridas vala in onn entaifer il pajas u per il return en Svizra
  • igl è pussaivel da survegnir in tal certificat era via in test d'anticorpuls, quel vala 90 dis
  • i na dat nagin certificat pli via ils tests d'antigen sulettamain nasals
  • era persunas che na pon betg sa laschar vaccinar u testar survegnan in certificat valaivel en Svizra per in onn
  • turistas e turists vaccinads cun in vaccin renconuschì da la WHO survegnan in certificat svizzer per 30 dis
  • la Confederaziun surpiglia vinavant tut ils custs da tests per persunas vaccinadas ina giada (durant sis emnas)
  • er ils custs per ina eventuala terza vaccinaziun surpiglian las cassas da malsauns

Certificats svizzers per persunas guaridas datti a partir dals 16 da november. Persunas che na pon betg sa laschar testar u vaccinar, survegnan certificats a partir da mez december e turistas e turists pon dumandar in certificat svizzer a partir da la fin november.

RTR novitads 14:00 + / actualitad 17:00

Artitgels legids il pli savens

Scrollar a sanestra Scrollar a dretga