Las directuras ed ils directurs chantunals da l'educaziun publica recloman tar il Cussegl federal. Cun decider pertutgant il coronavirus e la scola haja il Cussegl federal manchentà da consultar els – e quai en plirs puncts. Quai cuntrafetschia a la lescha d'epidemia, ha la Conferenza svizra da las directuras e dals directurs chantunals da l'educaziun publica scrit en ina communicaziun.
Il Cussegl federal vul che las scolas testeschian l'atun vinavant scolaras e scolars. Raschun è che pajais nua che la varianta Delta dal coronavirus è il mument dominanta han constatà sur-proporziunalmain bleras infecziuns en scolas.