Il parlament a Berna vul augmentar la deducziun per uffants da 6’500 sin 10’000 francs. Uschia spargnassan surtut persunas che gudognan bain impostas e perquai ha la PS prendì il referendum. La classa mesauna saja en ina nauscha posiziun. Ella stoppia finanziar il regal fiscal,ha ditg il president da la PS Christian Levrat.
Bunamain la mesadad da las famiglias en Svizra na paja numnadamain nagina taglia federala directa e possia perquai gnanc profitar da quest augment. Ord quest motiv profiteschian spezialmain persunas pli ritgas dapli da deducziuns pli autas perquai che famiglias pli povras na stoppian gnanc pajar taglia federala.
En il parlament è l’augment da la deducziun per uffants stà fitg dispitaivel.
RTR novitads 12:00