Il Cussegl naziunal pretenda che las autoritads bernaisas schlian il camp dals activists dal clima sin la Plazza federala. El ha approvà ina proposta da la PPS.
Var 100 activists han oz mardi tranter las 4.00 e 4.45 uras fatg plaz per il martgà da l'emna. Silsuenter veglian els dentant protestar vinavant. I eran be paucs policists en acziun, tut passava quiet ed ordinà.
Envers Radio SRF èn ils martgadants sa mussads malcuntents: Els quintian cun damain clients e svieuta pervi dals demonstrants.
Durant la sessiun a Berna èn manifestaziuns scumandadas sin la Plazza federala. La citad ha dà in’ultimatum enfin oz mardi da mezdi – uschiglio rumeschia la polizia la Plazza federala.
audio
Per tadlar – las novitads da las 06:00
ord RTR Audio dals 22.09.2020.
Maletg: RTR
laschar ir. Durada: 45 Secundas.