Siglir tar il cuntegn

Header

cuntegn

Demonstraziuns betg lubidas A Berna duain demonstrants che fan craval pajar

La citad da Berna na tolerescha naginas demonstraziuns da corona senza lubientscha pli. Ina «demonstraziun spontana» è tenor il dretg da la citad da Berna ina «reacziun directa sin in eveniment nunspetgà che vegn fatga il pli tard dus dis suenter quest eveniment». Quellas demonstraziuns na drovan betg ina lubientscha, sch'ins appellescha dentant da sa partizipar ad ina tala, ston ins era annunziar quella a l'uffizi responsabel.

Las davosas emnas han gruppas ch'èn cunter las mesiras da corona da la Confederaziun adina puspè appellà en las medias socialas da sa partizipar a «demonstraziuns spontanas». Tenor la citad da Berna na sajan quellas demonstraziuns dentant betg «spontanas».

Indossar custs a demonstrants violents

Sch’ina demonstraziun betg lubida escalescha en la citad da Berna, duajan demonstrants violents en l’avegnir purtar ina part dals custs da las intervenziuns da la polizia. Quai ha decis il parlament da la citad.

Mintga demonstraziun betg lubida chaschuna custs da 100'000 fin 200'000 francs. Quests custs pon uss per part vegnir indossads als demonstrants. Quai tenor la nova lescha da polizia ch’è ida en vigur la stad passada. Las autoritads pon metter a quint als organisaturs ed als demonstrants violents custs da fin 10'000 francs, en cas gravants fin 30'000 francs. Tar demonstraziuns lubidas, demonstraziuns spontanas e demonstraziuns betg lubidas senza escalaziun da la violenza duain ils custs dentant er vinavant betg vegnir dads vinavant.

audio
Per tadlar - curt e cumpact
aus RTR Audio vom 29.10.2021.
abspielen. Laufzeit 1 minuta 9 Sekunden.

RTR novitads 16:00

Artitgels legids il pli savens

Scrollar a sanestra Scrollar a dretga