Siglir tar il cuntegn

Header

cuntegn

Di da la lavur Guerra en l'Ucraina stat er il prim da matg en il center

La guerra en Ucraina stat er en il center dal di da la lavur da quest onn. Per il prim da matg, han ils sindicats appellà a «pasch, libertad e solidaritad».

duas persunas che stattan davantvart cun in banner.
Legenda: Pierre Yves Maillard, president da l'Uniun sindicala svizra SGB (entamez), e Katharina Prelicz-Huber, presidenta dal Sindicat svizzer dals servetschs publics VPOD (dretg), fan part a la demonstraziun dal prim da matg a Turitg. Keystone

La guerra confruntescha milliuns da dunnas, umens ed uffants cun il «blut horror», scriva l'associaziun dals sindicats svizzers. Il grond burdi dad ina guerra stoppian purtar las lavurantas ed ils lavurants, ils flaivels ed ils povers. La pasch saja la premissa per ina vita en dignitad e perquai as giaja sin via.

En in pled ha Pierre-Yves Maillard da l'Uniun sindicala svizra, fatg la punt tranter la demonstraziun e la guerra en Ucraina cun ils suandants pleds:

audio
Pierre-Yves Maillard: «Ils sindicats dovran la democrazia»
aus RTR Audio vom 01.05.2022.
abspielen. Laufzeit 24 Sekunden.

En radund 50 citads e vischnancas da l'entira Svizra èn planisadas manifestaziuns. La pli gronda vegn probabel er quest onn tradiziunalmain ad avair lieu a Turitg, cun ina demonstraziun ed ina festa sin l'areal da la caserna. Er a Berna è però planisada ina gronda festa, tranter auter cun in pled dal cusseglier federal da la PS, Alain Berset.

Donns materials a Basilea e Turitg

La polizia ha avertì da bler traffic en ils centers da las citads da Turitg, Basilea e per exempel er Winterthur. A Basilea ha la polizia gia annunzià emprims donns materials. Là sa participeschian radund 1'500 persunas a las demonstraziuns dal prim da matg. Dasper ils sindicats prendian part a las demonstraziuns era grupaziuns da «sans-papiers», sco era dunnas e da la chauma per il clima.

Entant ha la polizia da la citad Turitg scrit sin Twitter, ch'i haja dà ina demonstraziun successiva betg lubida. La polizia saja en acziun cun pliras unitads.

RTR novitads 12:00

Artitgels legids il pli savens

Scrollar a sanestra Scrollar a dretga