Siglir tar il cuntegn

Header

video
Rumantsch en la Chombra pitschna
Or da Giuventetgna dals 29.09.2022.
laschar ir. Durada: 1 minuta 11 Secundas.
cuntegn

Di da la plurilinguitad Pleds rumantschs en la Chombra pitschna

Durant il di da la plurilinguitad en il parlament federal èn insaquants politichers s'exprimids per rumantsch en las debattas.

Sch'ins ha gizzà las ureglias en la Chombra pitschna, han ins udì ina buccada rumantsch qua e là. Uschia ha il president Thomas Hefti (PLD) ditg che las linguas sajan la porta tar la cultura da las minoritads linguisticas. Per rumantsch.

audio
Thomas Hefti davart il di da plurilinguitad
ord RTR Audio dals 29.09.2022.
laschar ir. Durada: 47 Secundas.

Silsuenter ha la lavur dal mintgadi cumenzà las 8:30 en Chasa federala: Igl è vegnì discutà tge che saja da far en cas da crisa, sco per exempel durant la pandemia da Covid-19. Il president da la gruppa parlamentara «plurilinguitad CH» Hans Stöckli (PS) ha manegià: «L'epidemia da Covid-19 ha caracterisà tut las activitads da la legislatura da l'Assamblea federala». Quai ha el medemamain ditg per rumantsch.

audio
Hans Stöckli davart la pandemia ed il parlament
ord RTR Audio dals 29.09.2022.
laschar ir. Durada: 16 Secundas.

Pli tard, durant discussiuns brisantas davart la regulaziun dal luf, ha Martin Schmid (PLD) pledà per la lescha da chatscha.

audio
Martin Schmid tar la lescha da chatscha
ord RTR Audio dals 29.09.2022.
laschar ir. Durada: 12 minutas 30 Secundas.

Reagì ha Mathias Zopfi (Verds), medemamain per rumantsch.

audio
La vista da Mathias Zopfi
ord RTR Audio dals 29.09.2022.
laschar ir. Durada: 1 minuta 9 Secundas.

Preschientscha tar las autoritads gida a la lingua

La gievgia dals 29 da settember è stà quest onn il di da la plurilinguitad en il parlament. Parlamentarias e parlamentaris n'han dentant betg mo discurrì rumantsch, mabain er franzos e talian.

Il dis da la plurilinguitad en l'administraziun federala duain promover la plurilinguitad. Per surviver ston linguas restar relevantas. Quai stat er en il rapport dal Cussegl da l'Europa che pretenda dapli preschientscha da las linguas da minoritad en l'administraziun.

Dal tut na svanescha il rumantsch dentant betg en la Chasa federala - er suenter il di da plurilinguitad: En sia funcziun sco vicepresident dal Cussegl naziunal ha Martin Candinas (AdC) mintgamai surdà il pled a ses collegas per sursilvan e vegn pli probabel a far quai er en l'avegnir.

RTR actualitad 17:00

Artitgels legids il pli savens