Siglir tar il cuntegn

Header

cuntegn

Di internaziunal da las dunnas Dapli egualitad e meglras rentas

Dunnas en l'entira Svizra pretendan il di internaziunal da las dunnas dapli egualitad e meglras rentas. Ils sindicats n'èn betg cuntents cun la refurma da l'AVS 21 e l'augment da la vegliadetgna da pensiun da las dunnas sin 65 onns. En pliras citads sajan perquai planisadas acziuns e manifestaziuns, scriva il sindicat Unia. Uschia duai dar ina demonstraziun a Berna ed in'acziun a Lucerna. A Turitg vegn discutà davart la rolla da las dunnas. Dentant dettia er en il Tessin e la Svizra franzosa differentas occurrenzas.

Ultra da quai lantscha a Berna il biro svizzer da l'Ovra d'agid da las Naziuns Unidas per ils fugitivs in forum da discussiun davart la situaziun da fugitivas, migrantas e migrants e violenza specifica per la schlattaina. La mesadad da tut ils fugitivs sajan dunnas, scriva l'organisaziun. En fugia surpiglian las dunnas savens gronda responsabladad, vegnian dentant er exponidas a violenza e discriminaziun. Qua dovria quai protecziun.

Amnesty International ha infurmà che las attatgas sin ils dretgs da dunnas e mattas sin l'entir mund sajan alarmantas. Uschia saja s'augmentada la violenza a chasa durant la pandemia – ed era la segirezza da lavur per dunnas saja vegnida mendra.

RTR novitads 15:00

Artitgels legids il pli savens

Scrollar a sanestra Scrollar a dretga