La nova tecnologia da mesirar pollen ch’è sviluppada da l’interpresa lucernaisa «Swisens» porscha datas tar la concentraziun da pollen en temp real. Uschia pon ils allergichers e las allergicras sa proteger meglier en il temp da fluriziun. Diversas Apps sco MeteoSchweiz u Pollen-News fan gia diever da questa tecnologia. «Quai è ina revoluziun en la mesiraziun da pollen», di Benoît Couzy, expert da pollen envers SRF.
In agid per persunas cun allergias
Pli baud stuevan ins anc spetgar var in’emna sin resultats da las provas d’aria. Quai pervia da process da labor pretensius. Cun resultats en temp real porscha dentant quest gadget ina pitschna innovaziun. Persunas cun allergias pon ussa vesair in tar in co i stat cun la concentraziun da pollen en l’aria. Uschia pon ins sa proteger meglier che fin qua.
Sche ins po vesair en temp real sin ina carta nua che tge planta flurescha, pon ins evitar la spassegiada da dumengia tras zonas chargiadas da pollen.
Or da l'archiv:
