Siglir tar il cuntegn

Header

cuntegn

Discussiuin da budget Cussegl federal vul reducir custs

A la Confederaziun mancan ils proxims onns milliardas per in budget equilibrà. A quest minus vul il Cussegl federal ussa far frunt cun mesiras, per l'entschatta en il sectur d'asil, quai ha el decidì en sia sesida. Las mesiras concretas duain vegnir discutadas la primavaira. I va era per ils Ucranais cun status S e co ch'ins po reducir là ils custs.

Il medem mument duain dentant er las entradas vegnir augmentadas: La regenza dal pajais vul augmentar la taglia sin tubac ed uschia incassar ulteriurs 35 milliuns francs. La regenza pudess decider sezza sur da quest augment, vul dentant l'emprim anc dar a las cumissiuns d'economia da las duas chombras la pussaivladad da prender posiziun.

Il Cussegl federal quinta gia a partir da l'onn 2025 cun in minus da «2,5 milliardas francs e dapli».

RTR novitads 15:00

Artitgels legids il pli savens