Siglir tar il cuntegn

Header

cuntegn

Finanzas da la Confederaziun Expensas per armada e l'ambient creschan il pli fitg

Il Cussegl federal ha fixà las uschenumnadas «finamiras da ratas da creschientscha» per ils proxims onns. I va per radund in quart dal budget da la Confederaziun.

Il Cussegl federal vul augmentar las subvenziuns en bunamain tuttas spartas: cunzunt quellas per l'armada duain crescher (5% annualmain). Suenter suondan quellas per l'ambient (4,6%) e per collavuraziun internaziunala (2,5%). Medem stattan las subvenziuns agraras.

Ils pli blers daners duai dar per la perscrutaziun, furmaziun ed innovaziun: 30 milliardas francs. Tenor plan po l'armada quintar cun en tut 28 milliardas.

L'agricultura survegn 14 milliardas francs, maximalmain. Sche las contribuziuns vegnan vairamain retratgas, dependa numnadamain dal svilup da las finanzas da la Confederaziun. La situaziun finanziala saja en il mument tendida, scriva il Cussegl federal.

Era betg cler saja, quant che la reconstrucziun da l'Ucraina vegnia a custar. Provisoricamain hajan ins reservà 650 milliuns francs.

RTR novitads 15:00

Artitgels legids il pli savens