En Svizra èn mortas l'enviern passà 21 persunas en lavinas. La media dals davos 20 onns è tar 17. La gronda part era vi da far turas da skis, il segund bler unfrendas hai dà pervi d'ir cun skis sper las pistas. Quai mussa la bilantscha intermediara da l'Institut da naiv e lavinas a Tavau.
Mintgamai suenter navadas ha l'institut registrà dapli lavinas: quest onn entschatta favrer, mars e mez mars. Suenter las fasas sitgas haja la naiv gì ina structura favuraivla a lavinas. Uschia hai dà otg victimas da lavinas la fin da favrer, ed en tut 15 la fin da mars. Grond cletg ha in um sepulì d'ina lavina gì a Liddes en il chantun Vallais. El ha survivì sis uras en ina lavina.
En tut èn 222 persunas vegnidas tschiffadas da 137 lavinas: 34 en vegnidas sepulidas en lavinas.
