Siglir tar il cuntegn

Header

cuntegn

Dretg da lavur Dapli protecziun per whistleblowers

Whistleblowers duain tuttina vegnir protegids meglier. Quai pretenda la cumissiun da dretg dal Cussegl dals chantuns. Cun quai cuntradi la cumissiun da la Chombra pitschna a la Chombra gronda. Il Cussegl naziunal ha questa stad numnadamain decis cunter ina meglra protecziun.

Concret vai per la dumonda, cura ch'in whistleblower rumpa l’obligaziun da fidanza invers il patrun u la patruna da lavur. Perquai vul il Cussegl federal adattar il dretg da lavur. Quel duai reglar, cura e nua ch’ins po annunziar situaziuns insupportablas en fatschenta senza ch’ins cuntrafetschia al dretg. Uschia duain lavurantas u lavurants annunziar la situaziun sco emprim intern. Na reageschia la fatschenta betg sin l’annunzia u survegnia la persuna perfin la desditga, lura possia quella s'annunziar tar las autoritads. La proposta prevesa che ir en la publicitad duaja esser pir l'ultima opziun.

Suonda il Cussegl dals chantuns a sia cumissiun ed approva la proposta, sto il Cussegl naziunal anc ina giada debattar davart ina meglra protecziun per whistleblowers.

audio
Per tadlar curt e cumpact
ord Novitads dals 30.10.2019. Maletg: RTR
laschar ir. Durada: 1 minuta 4 Secundas.

RR novitads 12:00

Artitgels legids il pli savens