Survegnir in visum umanitar en Svizra duai vegnir pli simpel tenor la cussegliera federala Elisabeth Baume-Schneider. Ella vul schluccar las cundiziuns per visa umanitars, sco ella ha ditg envers la «Samstags-Rundschau» da SRF.
Ella stoppia dentant anc discutar quests plans cun il Cussegl federal – ed era guardar tge che saja insumma pussaivel sin il nivel giuridic e politic. Forsa saja pussaivel da spustar il cunfins pussaivels, uschia Baum-Schneider envers SRF.
Cun in visum umanitar po ina persuna periclitada da la vita vegnir legalmain en Svizra e dumandar per asil.
