L'Italia na prenda betg enavos las persunas che stuessan ir tras la procedura d'asil en l'Italia. Perquai vul la cussegliera federala Elisabeth Baume-Schneider visitar l'Italia. Tranter auter vul ella er discutar sustegn finanzial per projects da migraziun talians.
Bloccada dapi december
Tenor la cunvegna da Dublin ston ils pajais surpigliar la procedura d'asil per las persunas ch'èn entradas sco emprim en quest pajais en il territori da Schengen. L'Italia na sa tegna dapi il settember betg pli vi da questa cunvegna. Ella na prenda betg enavos pli persunas ch'entran per exempel en Svizra, stuessan dentant far lur proceduras d'asil en l'Italia. En l'onn 2023 ha quai pertutgà en Svizra radund 300 persunas.
Ina refurma da la cunvegna da Schengen sustegna Elisabeth Baume-Schneider: Ella propona da controllar pli fitg ils cunfins dal territori da Schengen. Las persunas che tschertgan asil duain vegnir repartidas meglier entaifer il territori.
