La pandemia da corona haja er effects sin la dumengia da votaziuns, rapporta SRF. En blers lieus vegnia a cuzzar pli ditg enfin che tut ils cedels da votar sajan dumbrads. Sco raschun vegn inditgà duas raschuns: Per resguardar las reglas da distanza vegnian per part pli paucs dumbravuschs en acziun. Da l'auter maun quintan ins che daplirs sa participeschan a la votaziun che autras giadas.
Tar duas da las tschintg votaziuns federalas datti tenor retschertgas in resultat stretg. I pudess pia cuzzar pli ditg enfin ch'il resultat definitiv è cler.
