Persunas che tschertgan asil san pli spert sch'ellas survegnan protecziun en Svizra u betg. Quai mussa in'analisa ch'il Secretariat statal per migraziun ha laschà far dus onns suenter avair introducì la procedura d'asil accelerada. Las decisiuns d'asil vegnian prendidas per gronda part correct. Il Tribunal administrativ federal stoppia renviar mo paucas decisiuns.
Potenzial da meglierar dettia en la fasa da preparaziun. La finamira è da finir la preparaziun aifer 21 dis. Actualmain cuzza quai anc 49 dis. En quest temp vegnan las datas persunals e las improntas dals dets tschiffadas e l'asilant vegn interrogà davart ruta da viadi e sanadad.
La procedura accelerada è en vigur dapi l'emprim da mars 2019.
Ord l'archiv
La pandemia ha gì in'influenza sin ils process d'asil en il Grischun.
