La Rega ha sgulà passa 220 acziuns da salvament durant la fin d'emna prolungada da Silvester e Bunmaun. Quai saja in augment da radund 25% cumpareglià cun l'onn avant, sco la guardia aviatica communitgescha.
Tar bun la mesadad dals sgols hajan las crews salvà sportistas e sportists d'enviern. Er en il Grischun hajan ins gì ordvart bler da far, uschia la Rega. Or d'experientscha ha la guardia aviatica perquai mintgamai gì a disposiziun dapli helicopters tar la basa a Vaz Sut ed a Berna.
Quel ed in ulteriur helicopter a Berna han stuì sgular 30 giadas durant ils dis da festa. La lavur da la Rega sa sviluppa sco l'aura. Uschia ha la Rega gì fitg bler da far la sonda passada pervia d'accidents. 90 giadas èn ils helicopters sgulads durant quai di.
