Durant il lockdown è il consum da bavrondas alcoholicas en Svizra crudà ensemen. Tenor l'Associaziun svizra dal commerzi da vin è la svieuta dal vin sa reducida per 35%. Quai rapporta la «NZZ am Sonntag».
L'associaziun dals producents da spirituosas ha constatà ina reducziun da 25% pervia da la crisa da corona. Tar la biera sajan las svieutas idas enavos per bun 6% cumpareglià cun il medem temp da l'onn passà.
La stad dastgass medemamain daventar difficila, cunquai ch'occurrenzas che portan grondas svieutas, sco p.ex. festivals n'han betg lieu.