Siglir tar il cuntegn

Header

cedel da votar electronic,
Legenda: Il 2015 ha il chantun Genevra fatg emprovas cun elecziuns electronicas. Keystone
cuntegn

e-voting Ulteriura emprova per votar electronic

La Confederaziun vul anc ina giada dar in'emprova a l’e-voting, la votaziun electronica. Ils chantuns duajan far intgins tests cun l’e-voting, ha communitgà la Chanzlia federala. Els duain be duvrar sistems – nua che manipulaziuns n’èn betg pussaivlas. Experts independents duain examinar ils sistems da votaziuns electronicas e lur gestiun.
Il zercladur 2019 aveva il Cussegl federal decis da desister il mument sin l’e-voting. Quai pervi da problems da segirezza. En il code da funtauna dal sistem da la Posta svizra avev'ins chattà munglaments. Er il chantun Genevra ha declerà l'onn passà ch'el na sviluppeschia betg vinavant ses sistem e ch'el retiria quel. Dapi lura na datti en Svizra nagin sistem da e-voting pli.
Tenor indicaziuns da la chanzlia federala han dapi il 2004 15 chantuns fatg passa 300 emprovas cun votar electronic.

Transparent e verifitgabel

En l'infratemp han las autoritads ensemen cun experts concepì da nov in pussibel manaschi d'emprova tenor pli autas pretensiuns da segirezza. Cun questa nova concepziun tiria il Cussegl federal las conclusiuns necessarias ord la fasa d'emprova, hai gì num a la conferenza da medias. En l'avegnir duai la Confederaziun be permetter sistems ch'èn dal tuttafatg verifitgabels. Rapports d'examinaziun ed ils resultats da chanal da e-voting duain vegnir publitgads.

Ord l'archiv:

video
Co vai vinavant cun il project dad e-voting?
Or da Telesguard dals 29.03.2019.
laschar ir

RTR novitads 11:00

Artitgels legids il pli savens

Scrollar a sanestra Scrollar a dretga