Suenter il record da l'onn avant ha la Axpo serrà giu l'onn da fatschenta 2019/20 la fin da settember sco spetgà cun in gudogn pli pitschen. Fertant che la svieuta è be sa sbassada levet, hai dà ina marcanta reducziun dal gudogn.
Uschia è il gudogn da gestiun (EBIT) crudà dad 850 milliuns francs sin actual 791 milliuns francs. Quai ha il concern d'electricitad communitgà la gievgia. Sut il stritg ha la Axpo realisà in gudogn net da 570 milliuns francs. L'onn avant eran quai anc 865 milliuns francs.
La reducziun dal gudogn era dentant gia vegnida spetgada ed er gia annunziada avant 12 mais. L'onn da gestiun avant avevan numnadamain blers effects extraordinaris influenzà il resultat da record.
audio
Per tadlar: Las novitads da las 08:00
ord RTR Audio dals 10.12.2020.
laschar ir. Durada: 5 minutas 22 Secundas.
