La Svizra Orientala ha il pli ferm augment da plazzas libras da l'entira Svizra. Cumpareglià cun l'onn avant datti la fin dal 2022 radund 40% dapli inserats da plazza. En l'entira Svizra èsi 23% dapli.
Cunzunt dumandads èn:
- persunal per servetsch e vendita (+47%)
- persunal en il biro e l'administraziun (+34%)
- mastergnants e mastergnantas e forzas auxiliaras (+28%)
Sulettamain tar funcziuns da manar hai dà in minus dad 8%. Gia dapi l'entschatta da la pandemia da corona na sajan quels betg tschertgads. Il bun svilup saja cunzunt in resultat da la dumonda da products e servetschs en Svizra sezza. En l'exteriur è la dumonda en il fratemp numnadamain sfradentada.
Suenter ch'il dumber d'inserats averts è restà sin in aut nivel per lung temp, è el anc ina giada creschì marcantamain il davos quartal dal 2022. Dentant betg en mintga regiun svizra, en la Svizra dal Nordvest è il dumber sin il nivel da 2021.
