Siglir tar il cuntegn

Header

Thomas Müller
Legenda: Il resultat d'elecziun vegn spetga la gievgia, ils 9 da december. Keystone
cuntegn

Elecziun tar Raiffeisen Nominaziun da Thomas Müller en la critica

La banca Raiffeisen elegia in nov president dal cussegl d’administraziun. Suenter l’èra dal schef dispitaivel Pierin Vincenz e la demissiun dal cussegl d’administraziun Guy Lachappelle duai il successur puspè calmar la situaziun. Nominà sco nov president è Thomas Müller.

Dentant è er Müller gia en la critica: Sco schef da finanzas da la banca Sarasin duaja el avair tralaschà dad agir cunter fatschentas da Cum-Ex, pia il commerzi cun aczias ch’ha l’intenziun da cugliunar l’uffizi da taglia. Quant fitg che Müller è stà involvì en talas fatschentas, n’è dentant betg cler. Raiffeisen ha communitgà d’avair examinà tut ils risicos e naginas resalvas cunter il candidat.

Las singulas bancas cooperativas da la Raiffeisen vegnian ad eleger il nov post en il presidi dal cussegl administrativ fin ils 7 da december, ils 9 da december duai lura vegnir communitgà il resultat.

RTR novitads 11:00

Artitgels legids il pli savens

Scrollar a sanestra Scrollar a dretga