Siglir tar il cuntegn

Header

cuntegn

Cussegl dals chantuns GR Engler e Schmid èn reelegids cleramain

La represchentanza grischuna en il Cussegl dals chantuns resta sco fin qua.

Sco spetgà èn ils cussegliers vertents Stefan Engler (PCD) e Martin Schmid (PLD) vegnids reelegids. Ils ulteriurs quatter candidats n’han gì nagina schanza da batter las «duas veglias vulps».

Grafica.
Legenda: RTR

«Tandem» politic po vinavant ir ensemen a Berna

Gia tar las elecziuns l’onn 2015 han els fatg bleras vuschs: Stefan Engler ha fatg 39'608 vuschs, Martin Schmid è vegnì sin 35'926 vuschs. Da lezzas uras n'han els dentant gì nagina concurrenza. Era il 2011 èn ils dus anteriurs commember da la regenza stads ils dus sulets candidats uffizials.

Video
Reacziun dals dus candidats reelegids
Or da Actualitad video dals 20.10.2019.
laschar ir

Tant Stefan Engler sco er Martin Schmid represchentan dapli il 2011 il chantun Grischun en il Cussegl dals chantuns. Cun 39 onns è Stefan Engler vegnì elegì sco cusseglier guvernativ, e quai uffizi ha el manà dal 1999 fin il 2010. Martin Schmid è vegnì elegì cun be 25 onns il 1994 en il Cussegl grond. Silsuenter è el stà dal 2003 fin il 2011 cusseglier guvernativ.

RTR elecziuns 2019