Siglir tar il cuntegn

Header

Video
Reacziun dals dus candidats reelegids
Or da Actualitad video dals 20.10.2019.
laschar ir
cuntegn

Reacziuns Engler e Schmid cun schlantsch en la proxima legislatura

Stefan Engler (PCD) è vegnì reelegì cun bun 30'000 vuschs. Quai è dapli che ses collega Martin Schmid (PLD). Quai è dentant pli paucas vuschs che anc l'ultima giada. Ch'el haja survegnì pli paucas vuschs pervi dal cartel da construcziun, na crai Engler dentant betg. El sa legra da l'elecziun e vul ir cun grond entusiassem e curaschi en la proxima legislatura.

Il resultat dat forza e curaschi da cuntinuar la lavur per il Grischun.
Autur: Stefan Englercusseglier dals chantuns
Video
Co s'engascha Stefan Engler per il Grischun ils proxims quatter onns?
Or da Actualitad video dals 20.10.2019.
laschar ir

Er Martin Schmid ha plaschair d'esser reelegì. El aveva temì da forsa stuair ir en in segund scrutini, damai ch'i ha gì quest onn uschè blers candidats. Tant dapli fetschia plaschair ad el da pudair lavurar enavant a Berna e quai er sco fin qua ensemen cun Stefan Engler.

Il plaschair è fitg grond.
Autur: Martin Schmidcusseglier dals chantuns
Video
Co s'engascha Martin Schmid per il Grischun ils proxims quatter onns?
Or da Actualitad video dals 20.10.2019.
laschar ir

Valérie Favre Accola è fitg cuntenta cun las vuschs ch’ella ha fatg. Ella ha prendì en egl in success remartgabel e quai è gartegià ad ella.

Jau sun cuntenta.
Autur: Valérie Favre Accolapoliticra da la Partida populara

Ella haja fatg bunas experientschas ed emprendì bler. Ella possia guardar enavos sin bleras bellas scuntradas.

Video
Facit e spetgas da Valérie Favre Accola
Or da Actualitad video dals 20.10.2019.
laschar ir

Géraldine Danuser da la Partida verd-liberala n’è insumma betg betg trumpada, ins haja pli u main stuì quintar cun quest resultat.

Jau hai fatg fitg bunas experientschas en il cumbat electoral.
Autur: Géraldine Danuserpoliticra dals Giuvens verd-liberals

Ella è fitg surpraisa dals resuns positivs. Ella haja quintà cun bler dapli reacziuns negativas sin sia candidatura per il Cussegl dals chantuns.

RTR Elecziuns 2019