Siglir tar il cuntegn

Header

cuntegn

Elecziuns 2019 La Svizra elegia oz in nov parlament

200 cusseglierAs naziunalAs e 46 cusseglierAs dals chantuns – la Svizra elegia oz ses parlament per ils proxims quatter onns. En il Grischun vegnan dus represchentants per il Cussegl dals chantuns e tschintg represchentants per il Cussegl naziunal elegids.

Cussegl naziunal: En il Grischun stattan 100 candidatAs (35 dunnas e 65 umens) sin 20 differentas glistas a disposiziun per ils 5 sezs.

Cussegl dals chantuns: Ils dus sezs en il cussegl dals chantuns vegnan avisads da sis persunas:

  • Stefan Engler (PCD, fin ussa)
  • Martin Schmid (PLD, fin ussa)
  • Jon Pult (PS)
  • Géraldine Danuser (PLD)
  • Valérie Favre Accola (PPS)
  • Timo Stammwitz (senza partida)

Situaziun da partenza en Svizra

Per ils 200 sezs en il cussegl naziunal stattan 4652 candidatAs a disposizun (40% dunnas, 60% umens). Per ils 46 sezs candideschan bunamain 200 persunas en ils 26 chantuns Svizzers. L'ultim barometer d'elecziuns sin livel naziunal prevesa il suandant per las elecziuns dad oz:

Las elecziuns tar RTR

Personen-Box aufklappenPersonen-Box zuklappen

RTR rapporta l'entira dumengia davart trends e resultats ed analisescha las elecziuns per il Cussegl naziunal ed il Cussegl dals chantuns:

  • l'entir di sin www.rtr.ch
  • adina puspè sin facebook, twitter ed instagram
  • a partir da las 12:00 uras al radio
  • las 17:30 uras en il Telesguard sin SRFinfo