Siglir tar il cuntegn

Header

Heinz Brand e Magdalena Martullo Blocher.
Legenda: In sto ir – ina dastga restar: Heinz Brand e Magdalena Martullo Blocher durant la festa da la Partida populara. Keystone
cuntegn

Nagin motiv da far festa Ina schleppa per la PBD e la PPS

La PPS ha gì in di d'elecziuns fitg emoziunal, per l'ina è bain Magdalena Martullo-Blocher vegnida da defender ses sez a Berna ed ha schizunt fatg las pli bleras vuschs da tut ils candidats. Per l'autra ha Heinz Brand pers ses sez. A la festa eran lura er las emoziuns fitg differentas - tgi sa legra, tgi è trist, tgi è forsa schizunt in zic vilà.

Di nair per la PBD – speranza fan dentant ils giuvens

L’atmosfera tar la Partida burgais-democratica n’è betg deprimida ma era betg propi festiva. Ils commembers da la PBD gratuleschan in a l’auter, fan viva e discussiunan. Els èn conscients, ch’il sez pers da Duri Campell n’è betg stada ina decisiun stretga.

Nus avain pers quai sez fitg cler.
Autur: Beno NiggliPresident da la PBD

Tuttina ha la PBD gì motiv da far festa - ils giuvens han fatg in bun resultat e stattan gia sin las chommas davos per las proximas elecziuns. Cindy Schnider dals giuvens agiunta che la partida burgais-democratica stoppia en il futur forsa provocar dapli per era survegnir l’attenziun da la glieud.

Duri Campell e quatter dils candidats da la PBD giuvna.
Legenda: Duri Campell e fitg cuntent cun il resultat dals candidats da la PBD giuvna. (Da sanester Patrick Niederreiter, Cindy Schnider, Duri Campell, Ursin Widmer, Gian-Reto Trepp) RTR, Ronja Muoth

RR actualitad 08:00