Tenor la retschertga da l'institut Sotomo pudessan ils burgais-democrats perder lur sez a Berna e quai a la Partida liberaldemocratica. La PBD vegn numnadamain sin 9,3% da las vuschs e la PLD sin 14,2%.
In resultat che fa surstar
Che sia partida perdia 5,2 % cumpareglià cun avant 4 onns, n'avess Duri Campell betg quintà. Ina tscherta culpa dat Campell era a las medias che rapportan adina che la PBD saja tant sco morta. Uss saja halt da dar anc dapli fadia il proxim mais per perschuader la populaziun. Capitular vegn betg en dumonda per l'Engiadinais – era sch'igl è conscient ad el ch’i vegn fitg grev da defender ses sez a Berna.
La partida che profitescha da la flaivlezza actuala da la PBD è la partida liberaldemocratica (PLD). Il president da la partida chantunala, Bruno Claus guarda gugent sin las cifras da la retschertga. El menziuna dentant ch’i saja anc ina lunga via. Claus na vul betg ludar il di avant la saira.
RR actualitad 07:00