Siglir tar il cuntegn

Header

Video
Heinz Brand: «Qestas retschertgas èn speculaziuns qualifitgadas»
Or da Telesguard dals 19.09.2019.
abspielen
cuntegn

Reacziuns PPS e PVL «Jau na tegn betg bler da questas retschertgas»

La PPS sto tremblar per ses segund sez en il Cussegl naziunal – Heinz Brand na tegn dentant betg bler da questa retschertga. Per il verd-liberal Josias Gasser èsi ina retschertga che fa curascha – dentant er el na vul betg survalitar quella.

La retschertga da l'institut Sotomo mussa che la PPS resta cun distanza la pli ferma partida en il Grischun (29,1%). Pervia da la colliaziun da glistas da la PS, ils verd-liberals e la verda n'è il segund sez en il cussegl naziunal, dentant tut auter che segir.

Ina retschertga e betg dapli

Heinz Brand (PPS) è dapi il 2011 en il Cussegl naziunal a Berna. El prendia per enconuschientscha ils resultats, dentant n'hajan els betg ina muntada pli gronda. Il passà haja mussà che la realitad saja in’autra che quella da retschertgas.

Per Magdalena Martullo-Blocher èsi cler ch’i vegn ina stretga cursa, quai pervia da las colliaziuns da glistas. Guardà sin la fermezza da partida èsi dentant cler per ella, che la PPS avess da tegnair il segund sez en il Cussegl naziunal.

Video
Magdalena Martullo-Blocher: «Nus avessan da bun dus sezs»
Or da Telesguard dals 19.09.2019.
abspielen

Ina persuna che speculescha sin quest segund sez da la PPS è il verd-liberal Josias Gasser. Ils resultats da la retschertga fetschian plaschair, dentant la fin finala saja quai mo ina retschertga, betg dapli e betg pli pauc.

Il maletg mussa Josias Gasser
Legenda: Keystone

RR actualitad 07:00