Siglir tar il cuntegn

Header

cuntegn

Tge dunna duai candidar? Blers chanasters e Carmelia Maissen che ponderescha

L’Allianza dal Center vul ir cun trais candidaturas en il cumbat electoral per la regenza grischuna. Ed ina dunna duai surpigliar il sez da Mario Cavigelli che vegn liber. Quai ha la partida annunzià. Cler è gia che Marcus Caduff e Jon Domenic Parolini cumbattan per lur reelecziun. Il co-president da partida Kevin Brunold na tema betg per quels:

audio
Kevin Brunold: Ils dus en uffizi n'èn betg periclitads
00:24 min, RTR Audio dals 12.10.2021.
laschar ir. Durada: 00:24 minutas.

Tge dunna che duai en pli ir per l’Allianza dal Center en il cumbat electoral, n’è anc betg enconuschent. La radunanza da nominaziun è il december. Enfin nus n’han naginas autras partidas annunzià ina candidatura d’ina dunna.

Bleras dunnas dian Na ed ina ponderescha

Cun far telefons a differentas dunnas che sesan en il Cussegl grond per l'Allianza dal Center vegni cler che bleras dad ellas han gia ina clera posiziun. Silvia Casutt-Derungs, Heidi Clalüna, Elita Florin-Caluori, Edith Gugelmann, Cornelia Märchy-Caduff, Gabriela Tomaschett-Berther, Martha Widmer-Spreiter, Gaby Ulber, Aita Zanetti ed er Sandra Maissen che sesa en la regenza da Cuira na vulan betg candidar.

Nagin Gea, ma n'er betg refusà la dumonda ha persuenter la deputada e presidenta communala da Glion Carmelia Maissen.

Quai è in grond pass ed ina gronda dumonda ed insatge ch'ins na dastga betg sutvalitar – perquai fetsch jau qua mes patratgs.
Autur: Carmelia Maissen Deputada e presidenta communala da Glion

Ad in Gea ha la politicra da gnanc 45 onns betg laschà surmanar. Ella di dentant sezza ch'ella haja in bun satgados politic e fatg experientschas en l'executiva. Perquai saja segir il dretg mument da far las ponderaziuns sche candidar u betg.

audio
Carussel da candidatas da l'Allianza dal Center per la regenza
03:11 min, Actualitad dals 12.10.2021.
laschar ir. Durada: 03:11 minutas.

Cavigelli sto dar giu ses uffizi

L'Allianza dal Center tegna pled. Sper ils cussegliers guvernativs Marcus Caduff e Jon Domenic Parloni vegn l'Allianza dal Center a proponer ina dunna per l'elecziun en la regenza. Cun Mario Cavigelli, Marcus Caduff e Jon Domenic Parolini disponia l'Allianza dal Center dal Grischun da trais persunalitads versadas en l'executiva. Pervia da la limitaziun dal temp d'uffizi sto Mario Cavigelli chalar la fin 2022 e sa retrair. Uschia haja l'Allianza dal center decidì a chaschun da lur radunanza da delegads da proponer ina dunna sco candidata en la regenza.

 

RTR novitads 10:00

Artitgels legids il pli savens

Scrollar a sanestra Scrollar a dretga