La naiv ha er chaschunà per problems tar l'electricitad. La notg davosa hai dà plirs incaps en il provediment da l'electricitad, scriva la Repower en ina communicaziun a las medias.
Venderdi curt avant las 23.00 n'hai gì nagina electricitad a Cumbel, S. Martin, Tersnaus e Surcasti. Radund 500 clientas e clients sajan stads pertutgads. Entant che l'electricitad a Cumbel è vegnida enavos suenter tschintg minutas, èsi ì enfin la bun'ura baud en ils ulteriurs lieus per ils ulteriurs vitgs per survegnir electricitad.
Il motiv per l'interrupziun era tenor communicaziun ina stgargiada da naiv sin il conduct liber da 16kV tranter Duvin e Cumbel.
Planta derschida interrumpa l'electricitad a Breil
Curt suenter las 02:00 ha in'ulteriura stgargiada da naiv procurà per ina interrupziun da radund 20 minutas a Tavanasa. Var 4200 clientas e clients èn stads senza forza electrica.
Ina planta crudada ha procurà a las 04.36 en parts da Breil per ina interrupziun pli lunga. La vischnanca è vegnida colliada pass per pass puspè a la rait, las davosas chasadas han puspè gì electricitad sin las beschlas las 10:45, scriva la Repower.
A Kreuzlingen, Rorschach, Konstanz e Minca datti problems pli gronds sin via.
200 accidents sin las vias da Turitg e Berna
Sin las vias cuvertas cun naiv hai dà la fin d'emna var 200 accidents da traffic en ils chantuns Turitg e Berna. Ultra da quai èn entradas sin vias var 120 annunzias davart plantas crudadas enturn. Da venderdi saira fin dumengia en damaun a las 10 hai dà 150 accidents sin las vias da Turitg, nua ch'i sa tractava surtut d'accidents cun donns, sco quai ch'in pledader da medias da la polizia chantunala da Turitg ha ditg sin dumonda da l'agentura da novitads Keystone-SDA. I haja dà mo fitg paucs blessads. Dals 150 accidents sajan radund 20 capitads la notg sin dumengia. Tar la polizia chantunala da Berna sun entradas 125 annunzias, sco chi ha gì num là sün dumonda. 49 jadas ha quai dat accidents, in ün cas haja dat blessads. Tar las otras annunzias han plontas bloccà las vias. Pertutgadas d'eiran surtut las regiuns Berner Oberland, Emmental ed Oberaargau.
Situaziun sin ils binaris
L'incap sin la lingia d'Alvra ha la Viafier retica entant pudì schliar, sco ch'ella scriva en ina communicaziun a las medias. Da las 12:30 vegn il traffic da trens er puspè dà liber tranter Filisur e Tavau. Per part possian ils trens dentant anc avair retard.
Situaziun da traffic sin via
La blera naiv e las temperaturas bassas pon procurar per glatsch sin las vias. Ina gronda part da las vias en l'Engiadina Bassa, la Surselva ed en il Grischun central èn cuvridas cun naiv.
- Serrada è la via dal pass dal Flüela (ils pass ch'èn gia serrads per l'entir enviern)
- Sur il Pass dal Wolfgang vala in scumond da charrar per camiuns cun char annex senza tracziun a quatter rodas.
Situaziun sin ils binaris
L'incap sin la lingia d'Alvra ha la Viafier retica entant pudì schliar, sco ch'ella scriva en ina communicaziun a las medias. Da las 12:30 vegn il traffic da trens er puspè dà liber tranter Filisur e Tavau. Per part possian ils trens dentant anc avair retard.
Situaziun da traffic sin via
La blera naiv e las temperaturas bassas pon procurar per glatsch sin las vias. Ina gronda part da las vias en l'Engiadina Bassa, la Surselva ed en il Grischun central èn cuvridas cun naiv.
- Serrada è la via dal pass dal Flüela (ils pass ch'èn gia serrads per l'entir enviern)
- Sur il Pass dal Wolfgang vala in scumond da charrar per camiuns cun char annex senza tracziun a quatter rodas.
A Minca è il traffic collabà dal tuttafatg gia il venderdi, e passagieras e passagiers han per part stuì durmir en ils trens.
Er en la Svizra Orientala hai dà incaps. Il traffic en la staziun da Rorschach restrenschì pervi d’in disturbi da la lingia da contact e tranter Kreuzlingen e Constanza na cursavan nagins trens pli.
Era il traject St. Margrethen e Minca è stà restrenschì tenor la SBB. Ils disturbis en il traffic da viafier en il sid da la Germania vegnan a cuzzar tenor la Deutsche Bahn almain fin glindesdi.
Eroports puspè en funcziun per part
Ils eroplans a la plazza aviatica da Minca sgolan puspè dapi la dumengia en damaun. Quai ha l'interpresa communitgà la damaun sin sia pagina d'internet. I vegnia dentant vinavant a dar restricziuns en il traffic aviatic, hai num.
Passagieras e passagiers vegnan supplitgads da s'infurmar davart il status da lur sgol. Pervi da la blera naiv en la Baviera era il manaschi da sgol vegnì sistì ad interim la sonda.
Il gieu da Bayern cunter Union Berlin è spustà. La bloccada ha influenzà il traffic aviatic enfin Glasgow e Frankfurt.