Siglir tar il cuntegn

Header

cuntegn

Emna da vaccinar Bilantscha mediocra suenter emprims dis

Amez l'emna da vaccinar sa mussa ina bilantscha mediocra. Tscherts chantuns nodan bain dapli persunas che sa laschan vaccinar – i dat dentant er acziuns da disturbi.

Uschia registrescha Glaruna 120 persunas ch'han sa laschar vaccinar per l'emprima giada. Turitg ha registrà var 700 emprimas e 120 segundas vaccinaziuns unicamain a la staziun. Il pli grond era l'interess per la terza dosa. En l'entir chantun Turitg han 2'400 persunas fatg la vaccinaziun da booster durant ils emprims trais dis da l'emna da vaccinar.

Concerts boicottads da persunas cunter vaccin

Ina bilantscha positiva tenor ils dus chantuns – er sche l'emna da vaccinar ha cumenzà cun dischillusiun per organisaturas ed organisaturs: Persunas ch'èn cunter la vaccinaziun han appellà da boicottar ils concerts planisads durant l'emna. Els han reservà bigliets per ils concerts gratuits e n'èn lura betg ids a qels. Uschia ch'ils eveniments eran per part occupads be per 20%.

L'emna da vaccinar naziunala dura anc fin dumengia. Il chantun Grischun planisescha da far proxim'emna ina bilantscha.

audio
Per tadlar curt e cumpact
ord RTR Audio dals 11.11.2021.
laschar ir. Durada: 1 minuta 19 Secundas.

RTR novitads 17:00

Artitgels legids il pli savens

Scrollar a sanestra Scrollar a dretga