Siglir tar il cuntegn

Header

audio
Romansh goes to New York!
Or da Actualitad dals 02.03.2023.
laschar ir. Durada: 3 minutas 57 Secundas.
cuntegn

Emna rumantscha Success per il rumantsch a New York

Chasper Pult sin il Times Square, Chasper Pult al sez da l'ONU e Chasper Pult a la Wall Street. Videos divertents cun lecziuns da rumantsch per las vias da New York duain far attent sin nossa lingua. E quai saja gartegià, di la responsabla per l’acziun Aita Pult.

A New York è l’emna rumantscha vegnida festivada quest on per l’emprima giada senza pandemia, di la scheffa da cultura tar il consulat general a New York, Aita Pult. Quai haja pussibilità da far dasper ils eveniments digitals er eveniments al lieu. Uschia è naschida l’idea d'in curs da rumantsch a New York.

Per il curs s’ha mess il linguist Chasper Pult en l'aviun direcziun metropola. E l’interess è sta pli grond sco pensà, declera Aita Pult. «Nus avain sperà che i vegnan almain 30 persunas, dentant èn arrivadas passa 100».

video
Insta-Live cun Aita Pult dal consulat svizzer
Or da Giuventetgna dals 04.03.2023.
laschar ir. Durada: 13 minutas 57 Secundas.

Ina citad cun grond interess per «il nov»

New York è ina citad nua ch’i vegnan discurridas dapli che 800 linguas, declera Aita Pult ch'è oriund da l’Engiadina Bassa. Uschia haja la glieud da New York ina gronda sensibilitad ed in grond interess per autras culturas e linguas. Ed il rumantsch be paucs che enconuschan, tant pli grond è l’interess da la populaziun che è adina in tschertga dal nov: the new thing.

Da la scheffa da cultura tar il consulat general a New York vegn l'idea ed il concept per las lecziuns englais rumantschas. Causa il success da las acziuns dals ultims onns s’ha decidì da cuntinuar cun las acziuns rumantschas.

L'emna rumantscha è vegnida festivada l‘emna dals 20 da favrer. Quai betg mo a New York, mabain en diversas ambassadas sin tut il mund. Il departament da l'exteriur vul numnadamain far attent sin nossa lingua minoritara. Tranter auter perquai che il rumantsch è in exempel per il plurilinguissem e la convivenza da differentas culturas – era minoranzas. 

video
Emna rumantscha a New York cun vatgas e chavals
Or da Giuventetgna dals 04.03.2023.
laschar ir. Durada: 1 minuta 30 Secundas.

RTR actualitad 12:00

Artitgels legids il pli savens