Siglir tar il cuntegn

Header

cuntegn

Emprim semester Banca naziunala svizra fa 43,5 milliardas francs gudogn

La Banca naziunala svizra ha pudì nudar in grond gudogn l’emprima mesadad da quest onn. Cunzunt il svilup dals curs da las valutas estras hajan contribuì al gudogn da 43,5 milliardas francs. Quai ha communitgà la banca naziunala.

Sco adina ha ella suttastritgà ch’il resultat dependia en emprima lingia dal svilup als martgads d’aur, devisas e da chapital. Perquai dettia adina grondas fluctuaziuns. Uschia na saja betg pussaivel da concluder dal resultat intermediar al resultat la fin da l’onn.

L’onn passà ha la Banca naziunala svizra fatg in gudogn da bunamain 21 milliardas francs – malgrà ch'igl aveva dà l'emprim quartal ina perdita da 38 milliardas francs pervia da la pandemia.

RTR novitads 08:30

Artitgels legids il pli savens

Scrollar a sanestra Scrollar a dretga