Emprima dunna - Eva Jaisli nova presidenta da l’Agid Svizzer per la Muntogna

Dapi il 1943 s'engascha l'Agid Svizzer per la Muntogna per persunas en las muntognas svizras. La fundaziun che vegn finanziada tras donaziuns sustegna projects che creeschan plazzas da lavur e la valurisaziun en il territori da muntogna. Uschia fa el frunt a la depopulaziun e procura che las regiuns muntagnardas restan er en l'avegnir viventas.

L'agid da muntogna finanziescha custs restants en cas d'investiziuns en edifizis, en maschinas ed en sistems dad IT, dentant er tar segundas scolaziuns e furmaziuns supplementaras.

Quai che na vegn betg sustegnì èn ils custs da gestiun e projects currents dal maun public, las interpresas ch'èn per gronda part en possess dal maun public u che han passa 50 plazzas a temp cumplain.