Siglir tar il cuntegn

Header

Daners. Maletg simbolic.
Legenda: Keystone
cuntegn

En consultaziun Cussegl federal vul dublegiar daners per cas da direzza

La Confederaziun dumonda il mument ils chantuns e las associaziuns d'economia, sche e co che l'agid per cas da direzza duai vegnir extendì. Il sboz da consultaziun prevesa da dublegiar ils daners sin 10 millliardas francs. Quai rapportan las gasettas da Tamedia.

La fin da schaner era vegnida fatga la dumonda al parlament da dublegiar ils daners sin 5 milliardas francs. Uss stat in'ulteriura duplicaziun en discussiun. Quai resulta dals documents da consultaziun da l'Administraziun federala da finanzas. I sa tracta latiers da resultats d'ina gruppa da lavur tranter la Confederaziun e dad otg represchentaziuns chantunalas.

Daners na tanschan betg

Las calculaziuns sin basa dals rapports da basegns da tscherts chantuns e perquai che las restricziuns per interpresas pudessan cuzzar pli ditg ch'il favrer 2021. Perquai saja probabel che las 5 milliardas gia decididas na tanschian betg, statti scrit en ils documents. Ils chantuns e las federaziuns d'economia vegnan perquai supplitgads da prender posiziun, schebain els èn cuntents dad auzar la summa per ulteriuras 5 milliardas francs sin 10 milliardas – quai cun ina participaziun dals chantuns da 20%.

Decisiun croda en in'emna

Il Cussegl federal vul decider en in'emna davart ulteriuras mesiras per mitigiar las consequenzas per l'economia pervi da la pandemia da corona. La decisiun finala vegn lura il Parlament federal a prender en la sessiun da primavaira il mars.

audio
Per tadlar curt e cumpact
01:05 min, RTR Audio dals 10.02.2021.
laschar ir. Durada: 01:05 minutas.

RTR novitads 14:00

Artitgels legids il pli savens

Scrollar a sanestra Scrollar a dretga