Siglir tar il cuntegn

Header

cuntegn

En la regiun dal Pilatus Puspè constatà plirs cas da la tschorvadad da chamutschs

En la regiun dal Pilatus ha la surveglianza da chatscha dal chantun Sursilvania puspè chattà chamutschs che pateschan da la tschorvadad da chamutschs. Ins haja stuì sajettar quatter animals ch’eran cumplettamain tschorvs. Per schanegiar l’effectiv da chamutschs ha la regenza da la Sursilvania scumandà la chatscha da chamutschs en quest territori fin la fin da l’onn.

En pli dovrian ils animals uss urgentamain ruaus, communitgescha l’Uffizi forestal e da l’agricultura dal chantun Sursilvania. Sut cundiziuns idealas saja numnadamain pussibel ch’ils animals sa revegnian da la malsogna. Viandants duain restar sin ils trutgs uffizials, ed ils chantuns tutgian vid la corda. Parasguladers duain evitar ina tscherta regiun.

Dapi il mars ha la surveglianza da chatscha stuì sajettar 18 animals. La tschorvadad da chamutschs è ina malsogna dals egls bacteriala ch’è fitg contagiusa. Ella vegn avant tar nursas, chauras, chamutschs e capricorns.

Ord l'archiv

Il 2016 è la tschorvadad er stada derasada tar chamutschs en diversas regiuns grischunas.

video
Tschorvadad da chamutschs sa derasa vinavant
Or da Telesguard dals 04.10.2016.
laschar ir. Durada: 3 minutas 8 Secundas.

RTR novitads 10:00

Artitgels legids il pli savens