Siglir tar il cuntegn

Header

cuntegn

En mira da la giustia Credit Suisse vegn accusada d'avair lavà daners

A la banca gronda Credit Suisse smanatscha in’accusaziun pervi da lavada da daners. I va para per var 60 milliuns dollars ch’il cussegliader da clients Patrice Lescaudron, ch’è entant mort, ha lavà tranter il 2008 ed il 2014. Quai rapporta l’agentura da novitads Bloomberg. La procura publica da Genevra ha confermà envers l’agentura da novitads AWP ch’in’inquisiziun saja vegnida instradada. Da la vart da la CS hai num ch’il cussegliader da clients haja agì sulet ed a moda secreta.

Credit Suisse haja serrà ils egls

Concret vai per 8 transacziuns tranter ils onns 2008 e 2014 nua che la banca haja serrà ils egls. Quai possia uss vegnì valità sco greva levada da daners da la Credit Suisse. Lescaudron haja tar clients internaziunals, tranter auter tar il schef da la regenza da Georgia Bidzina Ivanishvili, provocà ina perdita da 140 milliuns francs. L'onn 2015 ha la Credit Suisse fatg ir Lescaudron per immediat. L'onn 2018 è el vegnì sentenzià cun praschun pervia da cugliunaria e falsificaziun da documents.

Ord l'archiv

video
Schleppa per la direcziun da la CS
Or da 10 vor 10 dals 29.04.2022.
laschar ir. Durada: 2 minutas 8 Secundas.

RTR novitads 16:00

Artitgels legids il pli savens

Scrollar a sanestra Scrollar a dretga