Il provediment d'energia possia vegnir rinforzà fermamain quest enviern cun duvrar a moda conscienta l'energia a la plazza da lavur, a chasa ed en il temp liber. Quai scriva il Departament federal per ambient, traffic, energia e communicaziun (Uvek) en ina communicaziun. L'allianza d'energia cumplettescha la campagna da spargnar «L'energia è stgarsa. Na la sfarlattain betg», ch'il Cussegl federal ha lantschà l'avust.
Las mesiras dals partenaris da l'allianza van dal reducir la glisch ordadora sur temperaturas pli bassas e tips per stgaudar fin a l'evitar da duvrar il modus da standby. Plinavant pon process logistics vegnir optimads ed i duain vegnir duvradas dapli energias regenerablas.
audio
Per tadlar: las novitads da las 12:00
ord RTR Audio dals 20.10.2022.
laschar ir. Durada: 5 minutas.
