Bain sajan tant il dumber d'installaziuns sco era il dumber d'annunzias per pajaments unics creschids fermamain ils emprims trais mais da quest onn, cumpareglià cun il medem quartal il 2019. Ils patruns da construcziun pudessan pervia da la situaziun cun il coronavirus dentant spustar projects ed uschia franar il svilup dals indriz fotovoltaics, hai num en la communicaziun da l’Uffizi federal d'energia.
Era interpresas pon profitar
Grazia als 46 milliuns francs supplementars stattan quest onn a disposiziun dapli che 370 milliuns francs per pajaments unics per indrizs da fotovoltaica en Svizra. Dals daners supplementars na duain betg mo ils patruns da construcziun profitar, mabain era las interpresas indigenas da planisaziun ed installaziun, scriva il BFE.
Ils daners vegnan ord il fond per il supplement da rait. Quel vegn spisgentà dals consuments d'electricitad, quai cun pajar 2,3 raps per ura kilowat che vegn duvrada.
