La cumpart da persunas pensiunadas è creschida considerablamain dapi il 2000, quai da stgars 15% sin il 2020 stgars 23% da la populaziun. La cumpart da persunas che lavuran è dentant strusch sa midà. Quel è sa sbassà dal 2000 da 67,9% sin 67,4% il 2020. Cun questa valur da persunas che lavuran giascha la Svizra sin plazza dus cumpareglià cun l'Europa. Sulettamain en l'Islanda è la cumpart da persunas che lavura anc pli auta, numnadamain tar 79%. Ils vischins da la Svizra, han tuts ina pli bassa quota da persunas en il sectur da lavur - Germania, 61,6%, Austria 60,8%, Frantscha 54,5% e l'Italia 48,5%.
Damain umens e dunnas da chasa
Ina midada significanta hai dà tar il dumber dad umens e dunnas da chasa. IL 2020 eran be anc 2,7% da la populaziun umens u dunnas da chasa, quai èn 60% damain ch'anc avant 20 onns.
