L’entschatta da l’emna è la Chasa federala vegnida evacuada, tranter auter er il cusseglier federal Guy Parmelin. En in’intervista cun la «NZZ am Sonntag» ha el crititgà la procedura da l’evacuaziun. Igl haja disturbà el ch’ins haja stuì bandunar il parlament tras ina porta girabla. En in tal mument possia quai esser privlus, ha ditg Parmelin. Ina sortida d’urgenza lada saja pli adattada.
En pli na sajan las persunas evacuadas radund 20 minutas betg vegnidas tegnidas sin il current. Ellas hajan stuì spetgar tar l’Hotel Bellevue. Perquai veglia il minister d’economia savair, co ch'i fiss pussibel d’optimar in’evacuaziun en l’avegnir.
Ord l'archiv
video
Acziun gronda da la poliza sin la Plazza federala
Or da Tagesschau dals 14.02.2023.
laschar ir. Durada: 1 minuta 15 Secundas.
