Siglir tar il cuntegn

Header

Rudolf Hauri, il president da las medias e dals medis chantunals da la Svizra
Legenda: Keystone
cuntegn

Experts da corona En Svizra tanschan 3G – per il mument

Da rinforzar las mesiras da protecziun cunter il coronavirus cun la regla da 2G na saja il mument betg giustifitgà en Svizra. La situaziun na saja anc betg uschè dramatica ch'i duvrassia novas mesiras. Quai di Rudolf Hauri, il president da las medias e dals medis chantunals da la Svizra a Berna.

La dumonda ha survegnì nov'actualitad suenter che la regenza austriaca ha introducì glindesdi la regla da 2G. Quai munta che mo persunas vaccinadas e guaridas dastgan anc visitar ustarias, hotels, clubs ed il coiffeur. La situaziun en noss pajais vischin na saja dentant betg da cumparegliar cun la nossa, ha il president da las medias e dals medis chantunals en Svizra Rudolf Hauri ditg sin dumonda.

Era en Svizra creschia il dumber d'infecziuns. Las ospitalisaziuns restian dentant pli u main stabilas. Ins stoppia perquai bain observar la situaziun, ha Hauri menziunà. Il mument saja dentant ord vista epidemiologica senz'auter giustifitgà da restar tar la regla da 3G en Svizra.

video
2G en l'Austria – Quai na chaschuna betg mo critica
Or da Telesguard dals 09.11.2021.
abspielen. Laufzeit 4 minutas 12 Sekunden.

Glindesdi ha l'Austria nudà passa 7'000 infecziuns novas cun il coronavirus. Quai è dapli ch'il maximum durant la segunda unda da corona avant in onn. Creschidas fermamain èn era las ospitalisaziuns.

audio
Per tadlar curt e cumpact
aus Novitads vom 09.11.2021.
abspielen. Laufzeit 1 minuta 13 Sekunden.

 

RTR novitads 17:00

Artitgels legids il pli savens

Scrollar a sanestra Scrollar a dretga