Per la maioritad dals experts (56%) da corona svizzers è ina tschaina da famiglia cun pliras generaziuns acceptabla. Quai cun resguardar intginas mesiras da protecziun, sco per exempel da dar aria regularmain. La maioritad refusescha dentant occurrenzas en stanzas serradas sco per exempel concerts, gieus da hockey u dad ir en il studio da fitness e viadis en eroplan (68%). Plinavant scusseglian els dad occurrenzas da firmas (79%). Els sajan dentant pronts dad ir en ina bar u in restaurant, quai dentant be cun certificat da Covid e mascrina.
Quai demussa ina retschertga da la gasetta «Le Temps» ch’ha dumandà 34 virologas e virologs da la Svizra. Quella retschertga cun intervistas betg represchentativas è vegnida fatga tranter ils 2 ed ils 5 da december.
