Siglir tar il cuntegn

Header

L'export d'armas na duai vegnir reglà en la constituziun ma en la lescha di il Cussegl federal.
Legenda: L'export d'armas na duai vegnir reglà en la constituziun ma en la lescha di il Cussegl federal. Keystone
cuntegn

Export da material da guerra Cussegl federal refusa iniziativa, vul dentant ina cuntraproposta

Il Cussegl federal refusa l'iniziativa dal pievel cunter exports dad armas en pajais da guerra civila. Quai ha el decidi oz en l'ultima sesida da quest'on. Il Cussegl federal propona dentant ina cuntraproposta indirecta a l'uschenumnada iniziativa da correctura.

L'iniziativa da correctura na pretenda betg in scumond absolut d'exportar material da guerra. Ma ella pretenda che naginas armas svizras pon vegnir exportadas en pajais che cuntrafan grevamain e sistematicamain als dretgs umans u en pajais ch'èn involvids en conflicts.

Da principi sustegna il Cussegl federal l’intent. El na vul però betg regular il stop d’export da material da guerra en la constituziun mabain sin livel da la lescha.

Perquai ha il Cussegl federal dà l’incumbensa al Departament federal d'economia, furmaziun e retschertga da preschentar fin la fin da mars dus sbozs per cuntrapropostas.

Per tadlar curt e concis:

RTR novitads 15:00