Per ch'ils camiuns possian passar pli speditiv la duana fa l'Uffizi federal da la duana e da la segirezza dals cunfins tests en il Tessin. En in project da pilot cun l'Italia lavuran ils duaniers cun ina schliaziun digitala enstagl dals cedels da palpiri usitads.
A Stabio ed a Chiasso vegnian liquidads dapi l'entschatta dal project passa 40% dals transits en omaduas direcziuns sin il vial spert, sco l'uffizi scriva. La finamira a lunga vista è che la Svizra fa part da la duana digitala ch'i duess dar per l'entira Europa.
