Tenor il Cussegl federal saja la situaziun cun l'extremissem da la sanestra vegnì mendra. Malgrà ch'i n'haja betg dà dapli cas ils ultims onns, chaschunia quel adina pli gronds donns finanzials. A media vista vesa el dentant er il privel d'in attentader singul, ord las retschas dal extremissem da la dretga, che pudess far in'attatga en Svizra. Quest privel n'existia betg tar la sanestra.
Il Cussegl federal examinescha il mument sche investigaders duajan pudair survegliar en l'avegnir il traffic postal da telecommunicaziun cura ch'i va per extremissem violent. Il sboz duai ir il 2021 en consultaziun.
