Siglir tar il cuntegn

Header

audio
Impressiuns live da Basilea da la festa electorala cun Beat Jans
Or da Actualitad dals 21.12.2023. Maletg: Keystone
laschar ir. Durada: 8 minutas 15 Secundas.
cuntegn

Festa electorala Beat Jans sa lascha festivar a Basilea

Las festivitads per il nov cusseglier federal Beat Jans (PS) a Basilea han cumenzà gievgia suentermezdi. In tren spezial ha charrà Jans cun numerus giasts curt avant las 15:00 en ses chantun da chasa.

A la staziun beneventan sunatibas l'um da 59 onns. Jans è ì en la fulla ed è sa legrà da las bleras gratulaziuns. Las festivitads per l’emprim cusseglier federal basilais dapi 50 onns cuzzan enfin venderdi bun'ura. Il chantun ha schizunt lubì ina notg libra en onur da Jans. Bars e restaurants dastgan perquai restar averts senza limita la notg sin venderdi.

Radund 550 tamburs e tschivladers, bandierels ed ultiurs musicantas e musicants accumpognan Jans tar ses cortegi festiv tras Basilea. Il cortegi maina da la staziun da la SBB fin a la plazza da martgà e suenter vinavant tar il Claraplatz. La festa custa radund 300'000 francs.

Jans era vegnì elegì ils 13 da december en la regenza federala. El surpiglia il Departament federal da giustia e polizia.

RTR actualitad 17:00

Artitgels legids il pli savens